近日病得嚴重，因此blog也update得慢了，歸根究柢，這病是被氣出來的，氣出病來還是首先，此衰人真箇衰得匪夷所思，詳情容後細表。且說到發燒後重感冒，重感冒後喉嚨痛至要食止痛藥方能入睡，後來又是咳，現在走路或呼吸都覺得痛，明天要去照X光片。希望沒事喇，練了兩個月，要出show了，別現在才來出事。眼下且談談病中趣事二三則。
到底是誰教藥廠造咳藥水時落糖落味精的呢？害我每次取藥都膽戰心驚。黑色那一種最好，無論色香味都告訴你：「我是咳藥水。」Fine，光明正大有骨氣。咳藥水苦我不怕，我最怕咳藥水姣，懶繽紛又紅又橙又紫，嘉年華一樣，甜得來攻鼻，古古怪怪矯揉造作，姣豔過廟街阿婆。我很懷疑，咳藥水加了這些人不人鬼不鬼的味，真的有人覺得好飲了些嗎？今次是橙．．．一倒出來，化妝橙咁既色，橙味濃烈到半米都聞到，堆了滿臉不好意思的說：「hea hea…我係橙。」ｘ！我知我梗知啦！我實信你啦係咪先你咁有誠意！次次都一邊飲一邊鬧粗口。更災難是紅莓味，害我現在都不吃任何紅莓口味的東西。很懷疑現在小孩子不吃水果都是無良藥廠害的，不吃水果，更易病，更加幫襯無良藥廠，哼哼。
跟朋友MSN討論開病情，說到我要照X光，因為走路呼吸都覺得有點痛。
友人：下？咁嚴重？會咳到肺受傷的嗎？
我：唔知呀，痛果度好低架，我有懷疑係咪個橫隔膜穿左（神探伽藍的神情）
友人：．．．如果你個橫隔膜穿左，你個肺短時間內就會collapse，你抖氣ｄ聲企你隔離果個都聽到，你而家應該唔係．．．
我：哦，咁樣架．．．咁你都知既咁西利既你。（說出實情）無呀．．．我硬係覺得痛痛地，望下佢，又咁低喎．．．咪同橫隔膜講．．．係咪穿左呀你．．．咁樣懷疑下架咋．．．（毫無事實根據之至）
友人：．．．．．．
第三次看醫生。
我：（語帶隱晦地不滿）其實我已經係連續第三次睇醫生架喇。
醫生：（毫不察覺）．．．哦．．．咁我地繼續化痰，繼續消炎。
「繼續」這二字真是用得好得無可再好之至．．．好有恒心的感覺．．．
我：（老味丫）
與粉姓女性朋友論及食藥的問題
友人：我有個朋友居然話ｄ藥眼訓，話夜晚先食。
我：（靜）
我：呃．．．我．．．剛剛都想咁做喎．．．
友人：仆街！
這個粉姓朋友真是沒有同情心，講粗口鬧病人。
我：點解有藥係唔眼訓佢地唔開，係要開ｄ眼訓既比人咁變態？！
友人：好ｄ掛．．．
我：嗯．．．一定係ｄ醫生睇ａｖ太多，想趁ｄ女病人藥力發作上下其手，耶～～唔制～～（自我沉溺中） 友人：（冷靜地）你慳一ｄ
