香港新浪網 MySinaBlog
« 上一篇 | 下一篇 »
Cherrie | 12th Dec 2006 | 回味文章 | (3180 Reads)
中箭這檔事,你是不是認為只有武俠片才會出現的壯烈場面?如果那是一個女人的香肩中箭會不會讓你更覺凄豔?

章子怡在荒漠中策馬奔馳,一支箭把空氣劃開一道裂縫,「0拍」,一聲低沉冷酷的聲音在她左耳邊從後響起,箭頭深埋進章子怡的香肩,章子怡一聲驚呼,應聲翻身墮馬,馬匹揚長而去。章子怡在地上滾了幾步,黃沙沾了一身,拋散雲鬢,髮絲軟弱地披了一肩。章子怡用手輕按香肩,雪白紗衣染了一圈紅,「哎!糟了!」她說,然後眯起眼抬頭看沙漠空中的烈日,昏倒過去。

有沒有想過,這樣的情景會在辦公室發生?朋友仔就見過喇!

某有點珠圓玉潤而面目可憎的女同事站在朋友仔旁邊談公事,一邊一臉享受又好玩地伸手進白恤衫裡抓了肩膀後方很久,查實誰都估到她在抓大孖瘡,突然她爆出一句:「哎!仆街喇!」,但沒有再解釋為何她要這樣說,只是趕快交待完就走開了,朋友仔也沒留意。過了半小時,朋友仔在該女同事於辦公室走動時見到她穿白恤衫的背影,赫然發現她左邊肩膀上滲出兩片紅,一片如五蚊銀大,一片如一毫子大,朋友仔受驚,未及反應過來就說出:「呀某某,你流血呀!」這等傷人的說話,還要大家同事都聽到了,大家回頭一望,該女同事抓起自己肩上那一片布試著扭盡了頭看下去,抛下一句:「哎頂!仆街喇!」,就走去穿起掛在椅背的黑毛衣外套,大家又垂下了頭,但比平時低,低到你見不到他們的眼和嘴,只隱隱感到辦公室有股不尋常的顫動。其實都無謂掩飾了,誰都知你發生什麼事啦下話,在膀頭位置出現兩個以硬幣大小計算的血跡,又一定會估到你中箭啦!據朋友仔估計,該女同事應該是跟她說話時毫無儀態地抓肩膀上的大孖瘡,抓抓下,大孖瘡「0拍」一聲爆左,大大粒油脂粒直射而出,然後血就跟著慢慢滲出來了。

夠不夠壯烈?夠不夠凄豔?

一模一樣丫,除左由普通話變了廣東話口語,古代轉了現代,荒漠換了辦公室,細節都幾乎一模一樣丫,可能只是那聲「0拍」一聲沒那麼低沉冷酷而已吧!

所以話,袁和平同張叔平無老點你架!佢地拍得出,現實生活就會有,邊個敢話佢地唔夠寫實!



[21] Re: Re: 極品
Cherrie :
Man Cheung :中箭...小兒科啦.....我公司件"極品" (一個全公司都認同嘅"花朵")簡直中咗"五毒連環奪命鏢"...以下之形容絕不誇大, 女, 年齡不詳, 體型超越欣宜小姐全盛期, 面部似死火山岩洞,不過唔係呈現灰色, 係血紅色帶數點黃黃緣緣(膿瘡遍佈),衣着永遠係低胸Tshirt加超短兼細一碼嘅裙, 孖肥脾勁過小象腳,最攞命就心口"節"出兩片肥羔,兩傍滿貼一小塊,一小塊嘅膠布,皆因膿瘡爆裂,舊痕未愈而新膠布遍遍, 晨早流流見到就成日唔駛怕餓, 因為嘔到唔想食嘢.....

WA!係咪真架??你好似講緊異形第五集咁啊...唔係下話.....你搞下笑咋下話....(不能相信這是事實)

100% true.....全公司惟有佢自己覺得無問題...


[引用] | 作者 Man Cheung | 6th Jan 2007 | [舉報垃圾留言]

[20] Re: 極品
Man Cheung :
中箭...小兒科啦.....
我公司件"極品" (一個全公司都認同嘅"花朵")簡直中咗"五毒連環奪命鏢"...以下之形容絕不誇大, 女, 年齡不詳, 體型超越欣宜小姐全盛期, 面部似死火山岩洞,不過唔係呈現灰色, 係血紅色帶數點黃黃緣緣(膿瘡遍佈),衣着永遠係低胸Tshirt加超短兼細一碼嘅裙, 孖肥脾勁過小象腳,最攞命就心口"節"出兩片肥羔,兩傍滿貼一小塊,一小塊嘅膠布,皆因膿瘡爆裂,舊痕未愈而新膠布遍遍, 晨早流流見到就成日唔駛怕餓, 因為嘔到唔想食嘢.....

WA!係咪真架??你好似講緊異形第五集咁啊...唔係下話.....你搞下笑咋下話....(不能相信這是事實)


[引用] | 作者 Cherrie | 6th Jan 2007 | [舉報垃圾留言]

[19] 極品

中箭...小兒科啦.....

我公司件"極品" (一個全公司都認同嘅"花朵")簡直中咗"五毒連環奪命鏢"...以下之形容絕不誇大, 女, 年齡不詳, 體型超越欣宜小姐全盛期, 面部似死火山岩洞,不過唔係呈現灰色, 係血紅色帶數點黃黃緣緣(膿瘡遍佈),衣着永遠係低胸Tshirt加超短兼細一碼嘅裙, 孖肥脾勁過小象腳,最攞命就心口"節"出兩片肥羔,
兩傍滿貼一小塊,一小塊嘅膠布,皆因膿瘡爆裂,舊痕未愈而新膠布遍遍, 晨早流流見到就成日唔駛怕餓, 因為嘔到唔想食嘢.....


[引用] | 作者 Man Cheung | 5th Jan 2007 | [舉報垃圾留言]

[18] Re: 羊狼二世
羊狼二世 :
你好呀!
佢響辦公室中箭既方法都好特別喎,夠晒電影feel夠晒壯烈。不過咁中法,應該會好痛卦..?難以想像呀。@_@

痛? 最痛都莫過於無哂尊嚴啦...一個女仔, r爆兩粒大孖瘡, 仲要比全office人知道, 仲有咩尊嚴可言丫...


[引用] | 作者 Cherrie | 13th Dec 2006 | [舉報垃圾留言]

[17]

你好呀!

佢響辦公室中箭既方法都好特別喎,夠晒電影feel夠晒壯烈。不過咁中法,應該會好痛卦..?難以想像呀。@_@


[引用] | 作者 羊狼二世 | 13th Dec 2006 | [舉報垃圾留言]

[16] Re: 細k
細k :
你好呢~我是個路過人,留個腳印^^
見到呢篇野,I1我真係笑到收5到聲~~~~不過令我稔起以前,有老友整親流血都5知!

你好啊~大家反應都一樣呢~hahaha~

wa!整親流血會痛呢!你朋友是男子漢那類唔會覺痛的人嗎?


[引用] | 作者 Cherrie | 12th Dec 2006 | [舉報垃圾留言]

[15]

你好呢~我是個路過人,留個腳印^^

見到呢篇野,I1我真係笑到收5到聲~~~~不過令我稔起以前,有老友整親流血都5知!


[引用] | 作者 細k | 12th Dec 2006 | [舉報垃圾留言]

[14] Re: 田中小百合
田中小百合 :
我就試過搞爆粒瘡,但就沒試過中箭~以後都系少D穿白衫為妙拉:)

haha~白衫係好麻煩既我都知~一係以後整爆瘡就有手尾d, 貼番張膠布囉...


[引用] | 作者 Cherrie | 12th Dec 2006 | [舉報垃圾留言]

[13]

我就試過搞爆粒瘡,但就沒試過中箭~
以後都系少D穿白衫為妙拉:)


[引用] | 作者 田中小百合 | 12th Dec 2006 | [舉報垃圾留言]

[12] Re: Oasis
Oasis :
咁驚~!諗起都唔開胃~@_@'

啊~係啊...一路笑一路唔開胃...我係咁話: 咪咁啦你...


[引用] | 作者 Cherrie | 12th Dec 2006 | [舉報垃圾留言]

[11] Re: 笨爸
笨爸 :
救命....我想像到個瘡被R爆果一刻,好似電影慢鏡咁,D血漿「o波」一聲咁爆出黎...跟住射到個對手一面都係。嘔!!!

wa!!!!你咪咁好想像力將佢visualize啦好嘛...好恐怖呀!!!好似睇"恐懼鬥室"呀!!!


[引用] | 作者 Cherrie | 12th Dec 2006 | [舉報垃圾留言]

[10] Re: poonwinghang
poonwinghang :
好彩我唔著白色衫就算中招都唔覺…
呢篇真係好笑話

你唔會咁中招啦! 好難有人會咁中招啦...太騎呢了...

好好笑呀真係, 我自己都笑左好耐呀...主要係個material好, 寫果個平舖直敍都已經好好笑~


[引用] | 作者 Cherrie | 12th Dec 2006 | [舉報垃圾留言]

[9]

咁驚~!諗起都唔開胃~@_@'


[引用] | 作者 Oasis | 12th Dec 2006 | [舉報垃圾留言]

[8]

救命....我想像到個瘡被R爆果一刻,好似電影慢鏡咁,D血漿「o波」一聲咁爆出黎...跟住射到個對手一面都係。嘔!!!


[引用] | 作者 笨爸 | 12th Dec 2006 | [舉報垃圾留言]

[7]

好彩我唔著白色衫
就算中招都唔覺…

呢篇真係好笑話


[引用] | 作者 poonwinghang | 12th Dec 2006 | [舉報垃圾留言]

[6] Re: Monkey
monkey :
好核突呀.....(直頭想象到佢個衰樣..)
我以前舊公司都有幾件"極品",三四十歲又嫁唔去個D至為惡頂~嘔...(等我搵日畫出尼先....)
*好衰既你~我要開工GA啦,又忍唔住要留言比你~做咩鬼寫D野咁好睇~!!可惡~!!

我好期待你畫d笑料出黎呀!

hahaha~~多謝你捧場呀!最緊要你睇得開心丫嘛~


[引用] | 作者 Cherrie | 12th Dec 2006 | [舉報垃圾留言]

[5] Re: Chris
chris :
我還以為妳在office被人篤背脊!好中意妳寫章子怡的一段。

被人篤背脊無咁淒美啦~hahahaah~章子怡那段都是袁和平同張叔平教既姐~僅向兩位"寫實大師"致敬~~


[引用] | 作者 Cherrie | 12th Dec 2006 | [舉報垃圾留言]

[4] Re: chuan
chuan :
做咩咁手痕,累自己出血,累人笑到噴血?

好笑呀!我朋友同我講果時我係辦公室都笑到不行呀!眼淚水都飆出來了...


[引用] | 作者 Cherrie | 12th Dec 2006 | [舉報垃圾留言]

[3]

好核突呀.....(直頭想象到佢個衰樣..)

我以前舊公司都有幾件"極品",三四十歲又嫁唔去個D至為惡頂~嘔...(等我搵日畫出尼先....)

*好衰既你~我要開工GA啦,又忍唔住要留言比你~做咩鬼寫D野咁好睇~!!可惡~!!


[引用] | 作者 monkey | 12th Dec 2006 | [舉報垃圾留言]

[2]

我還以為妳在office被人篤背脊!
好中意妳寫章子怡的一段。


[引用] | 作者 chris | 12th Dec 2006 | [舉報垃圾留言]

[1]

做咩咁手痕,累自己出血,累人笑到噴血?


[引用] | 作者 chuan | 12th Dec 2006 | [舉報垃圾留言]