香港新浪網 MySinaBlog
« 上一篇 | 下一篇 »
Cherrie | 3rd Jan 2007 | 社會狀況, 回味文章 | (4456 Reads)

平均分: 10.00 | 評分人數: 1
香港非常容不下肥人,稍肥的人經已受盡社會壓力,更惶論真正的肥人。外國人無法理解一個身高1.65米體重120磅的人在電視上聲淚俱下說要減肥,絕大多數香港女生到外國都是白骨精,過瘦了,沒胸部沒屁股,似錯過發育期的第三世界少女,而減了肥仍被嘲笑的欣宜到外國就是索女。


沒法的事,香港不單人心容不下肥人,地方也容不下肥人,這個地方非常不適合肥人居住。你去黃金電腦廣場一趟逛逛看,我自問不算很肥,可是與一個同我身形相當的人擦身而過仍然要背貼背,你背多一個背包都過不到去,稍肥的人在那兒成了推雪的鏟雪機,一邊走一邊趕著前面的人向前行。大排檔的圓櫈,直徑才十寸十一寸,瘦骨嶙峋的女生都不夠坐,肥人要食大排檔最好要自備摺櫈。在旺角,前面的肥人緩緩而行,汽車廢氣和著人體的熱氣蒸騰而上,你只想快快逃離這裡到朗豪坊涼涼冷氣,眼見肥人咬著魚旦,你試試左邊超越也不是,試試右邊爬頭也不行,誰不會火冒三丈,你叫他借過嗎?他借極了你還是得揩過他那串魚旦和一手臂的汗水而過,拖泥帶水的。坐地鐵巴士,肥人進去以後雖然極力向車廂內走,趕車上班的人未免就要投下嫌惡的眼神,他要是坐下嗎?左右的人別過面去盡力向旁邊擠,也是的,地鐵的坐位最多夠一個百二磅的人坐,肥人不免要「過界」,侵越了同付了十元車資的乘客的權利。

一個人肥不肥,除了以電視電影屏幕上的模特兒作準來界定外,還有其他的。演藝圈的標準,絕大多數理智的人都明白那並非實際的,你不會以舒淇的標準來要求你女友(固然有,可是該男生本身又不是李嘉誠或陳冠希,那由他慢慢找找看好了。)一般人用的通用標準就是能逛黃金商場的,能自在地坐大排檔圓櫈的,在旺角不會阻街的,地鐵的坐位間隔能容得下的,叫做普通人,乃可接受水平,一個社會的標準,就是這樣潛移默化地漸漸建立的。在寸金尺土的擁擠的香港,我們在集體的、有系統的把肥人標籤、歧視,把肥瘦的標準推向極端化,你肥嗎?黃金不是你逛的、地鐵不是你坐的、旺角不是你來的,那屬集體回憶的大排檔嗎?你最好不要來參與了,看這裡的櫈就知不歡迎你,你來了大家是嫌著你礙地方。

加拿大人美國人沒法理解百二磅的女生哭著要減肥,因為他們地方夠大呀,行人路夠汽車通過,公車地鐵一個位不夠坐你坐三個好了,過山車的座位和安全扣也寬敞過人。愈是人多擠逼的地方,就愈歧視肥人,肥瘦標準愈苟刻,把人變形來遷就發展商。










[47] Re: 詩Si
詩Si : 有冇睇 Big Mac 呀? 佢地係度告人。話 MacDonald D野食肥人。。。冇人叫你食傢嗎!!! very stupid >

唔知有無誤會你意思, 如果你係話, 我肥所以唔抵得香港人話肥人, 你不如自己減肥既話, 回覆如下:

1) 其實我並不肥
2) 即使肥, 我也不會因為社會的錯誤價值觀和歧視而勉強自己瘦下來, 我只為自己做事
3) 不必因為身受其害才會反抗或反思, 不然的話, 我們就不必捐款給第三世界飢餓的兒童, 不必關注"一百萬人的故事"
4) 我同意你所講, 好多針對mcdonald的指控是很好笑的, 包括飲奶茶燙到嘴說人家沒寫caution hot, 那是專向大機構"掠水"的專業, 其實跟肥不肥瘦不瘦沒關係

Cherrie
[引用] | 作者 Cherrie | 30th Apr 2008 | [舉報垃圾留言]

[46]

有冇睇 Big Mac 呀? 佢地係度告人。話 MacDonald D野食肥人。。。冇人叫你食傢嗎!!! very stupid >


[引用] | 作者 詩Si | 30th Apr 2008 | [舉報垃圾留言]

[45]

不是香港空間不足,只是港人多心胸狹窄,容不下別人。

老實說,一定不會找整天嚷減肥的女朋友,身體不健康事小,思想不健康事大……


[引用] | 作者 cebi | 13th Mar 2007 | [舉報垃圾留言]

[44] Re: lingalonga
lingalonga :
i love this piece of writing!! its sooo true! especially the part when you mentioned about how 'foreigners' will NEVER understand why some HK girls (or even Chinese girls) call themselves fat when could be considered 'under-weighed'!!!

多謝你!
因為我見到前排夜晚十點幾果d呢, 纖體公司找人上去做"sharing"果d節目呢, 睇到眼火爆...直情係邪教! 果d "sharing", 直情係講到肥人(所謂肥人)係無尊嚴無存在價值咁! 好勞氣, 所以寫左呢篇...


[引用] | 作者 Cherrie | 12th Mar 2007 | [舉報垃圾留言]

[43]

i love this piece of writing!! its sooo true! especially the part when you mentioned about how 'foreigners' will NEVER understand why some HK girls (or even Chinese girls) call themselves fat when could be considered 'under-weighed'!!!


[引用] | 作者 lingalonga | 11th Mar 2007 | [舉報垃圾留言]

[42] Re: No Name
No name :
好驚呀! 我訂咗機票今年番香港, 但係我成200磅,咁我咪唔可以去旺角同搭車?行路又話我阻街.....

所以我咪話我覺得其實咁做好唔岩囉...唔緊要!黎啦!我撐你!


[引用] | 作者 Cherrie | 24th Feb 2007 | [舉報垃圾留言]

[41]

好驚呀! 我訂咗機票今年番香港, 但係我成200磅,咁我咪唔可以去旺角同搭車?
行路又話我阻街.....


[引用] | 作者 No name | 24th Feb 2007 | [舉報垃圾留言]

[40] Re: 克魯爾德
克魯爾德 :
我們不信仰"bigger is better"吧, 看李小龍多輕巧, 不像美式英雄大灰熊推土機一樣.

bigger/ smaller都不是導致better的主要因素啦~美國人咁諗又真係太天真啦...


[引用] | 作者 Cherrie | 15th Jan 2007 | [舉報垃圾留言]

[39]

我們不信仰"bigger is better"吧, 看李小龍多輕巧, 不像美式英雄大灰熊推土機一樣.


[引用] | 作者 克魯爾德 | 11th Jan 2007 | [舉報垃圾留言]

[38] Re: 細蚊
細蚊 :
我諗佢地講個D靚女係在電視機裡見到吧。。。。。。花得起錢整容的都進軍演藝界,在街上見到的平民女子~~~嘩!!!!

大家都以大眾媒介來認識世界呢...

真係咁多人整容????好安全架咩????


[引用] | 作者 Cherrie | 11th Jan 2007 | [舉報垃圾留言]

[37] Re: Re: 細蚊
Cherrie :
細蚊 :我夠膽講香港街頭算係靚女多啦!去過日本、韓國的朋友都會知...講真,人生在世,有得食都唔食真係太對唔住自己!

係唔係架? 我成日聽人講話韓國同台灣都超多靚女....d香港男生仲成日提住呢件事, 話要過去搵老婆tim...
其實講真, 我都覺得香港女生普遍都好ok, 可能佢地識得打扮啦...

我諗佢地講個D靚女係在電視機裡見到吧。。。。。。花得起錢整容的都進軍演藝界,在街上見到的平民女子~~~嘩!!!!


[引用] | 作者 細蚊 | 11th Jan 2007 | [舉報垃圾留言]

[36]

不好意思,請借給我引用一下 =)


[引用] | 作者 小六 | 9th Jan 2007 | [舉報垃圾留言]

[35] Re: Carson
Carson :
其實香港有這一個現象都是由一班纖體公司做出來的,因為要有這一個風氣,他們才有生意.

到全世界都瘦完了, 他又會話肥先靚架啦...到時大家又茲茲不倦去增肥...美與醜的標準到頭來是不是只為了支撐起個資主社會?...唔知呢...


[引用] | 作者 Cherrie | 4th Jan 2007 | [舉報垃圾留言]

[34] Re: uncle ray
uncle ray :
我想問題不是這樣嚴重吧!
係錯,都是那些美体公司的錯,pass了一此wrong message 給年青人。

周而復始的惡性循環


[引用] | 作者 Cherrie | 4th Jan 2007 | [舉報垃圾留言]

[33] Re: 細蚊
細蚊 :
我夠膽講香港街頭算係靚女多啦!去過日本、韓國的朋友都會知...
講真,人生在世,有得食都唔食真係太對唔住自己!

係唔係架? 我成日聽人講話韓國同台灣都超多靚女....d香港男生仲成日提住呢件事, 話要過去搵老婆tim...

其實講真, 我都覺得香港女生普遍都好ok, 可能佢地識得打扮啦...


[引用] | 作者 Cherrie | 4th Jan 2007 | [舉報垃圾留言]

[32] Re: 羊狼二世
羊狼二世 :
原來香港容不下肥人是因為空間太擠迫...好有趣的觀點!

因為有時好逼人時會好炆憎d肥人, 但回頭細細想想, 覺得有問題...愈想愈多...


[引用] | 作者 Cherrie | 4th Jan 2007 | [舉報垃圾留言]

[31] Re: 笨蛋熊貓
笨蛋熊貓 :
巴士的位, 基本上是兩個正常體形的男人一起坐就已經覺逼的了, 根本不用是肥人.
女性纖體的市場已經要飽和了, 現在越來越多向男性打主意的工司, 除了纖體修身, 還有皮膚護理等等. 我就看全香港的人都變成一樣完美地漂亮時, 那些公司還有什麼可做.

啊!你說得對! 到底那是不是小學校巴?
有啊有啊~而家多了很多男士SPA呀減肥修身啊, 做facial啊咁...


[引用] | 作者 Cherrie | 4th Jan 2007 | [舉報垃圾留言]

[30] Re: Gabriel
Gabriel :
我擇偶第一條件就是可以和我一起到處坃,到處吃。
減肥精?no way

haha!我也覺得做人不能嚐人間美味是很可惜的, 其實所有事都一樣, 適可而止就可以了~


[引用] | 作者 Cherrie | 4th Jan 2007 | [舉報垃圾留言]

[29] Re: 鬍鬚人
鬍鬚人 :
雪鏟。好貼切的形容!
香港人減肥已經減到有點病態,但看看現今媒體的纖體廣告之多,這種消費又似乎帶動了一點點經濟。
聽十個男人,九個也不喜歡女人太瘦,但為何還有這麼多一百磅多一點的女士嚷著要減肥呢?真奇怪!

多謝~
女人全都誤以為自己再瘦一點就會更有吸引力...不過講真, 瘦, 男人唔特別鐘意起碼唔會笑你, 如果肥, 會比人笑豬扒...


[引用] | 作者 Cherrie | 4th Jan 2007 | [舉報垃圾留言]

[28]

其實香港有這一個現象都是由一班纖體公司做出來的,因為要有這一個風氣,他們才有生意.


[引用] | 作者 Carson | 4th Jan 2007 | [舉報垃圾留言]

[27]

我想問題不是這樣嚴重吧!

係錯,都是那些美体公司的錯,pass了一此wrong message 給年青人。


[引用] | 作者 uncle ray | 4th Jan 2007 | [舉報垃圾留言]

[26]

我夠膽講香港街頭算係靚女多啦!去過日本、韓國的朋友都會知...

講真,人生在世,有得食都唔食真係太對唔住自己!


[引用] | 作者 細蚊 | 3rd Jan 2007 | [舉報垃圾留言]

[25]

原來香港容不下肥人是因為空間太擠迫...好有趣的觀點!


[引用] | 作者 羊狼二世 | 3rd Jan 2007 | [舉報垃圾留言]

[24]

巴士的位, 基本上是兩個正常體形的男人一起坐就已經覺逼的了, 根本不用是肥人.

女性纖體的市場已經要飽和了, 現在越來越多向男性打主意的工司, 除了纖體修身, 還有皮膚護理等等. 我就看全香港的人都變成一樣完美地漂亮時, 那些公司還有什麼可做.


[引用] | 作者 笨蛋熊貓 | 3rd Jan 2007 | [舉報垃圾留言]

[23]

我擇偶第一條件就是可以和我一起到處坃,到處吃。

減肥精?no way


[引用] | 作者 Gabriel | 3rd Jan 2007 | [舉報垃圾留言]

[22]

雪鏟。好貼切的形容!emoticon

香港人減肥已經減到有點病態,但看看現今媒體的纖體廣告之多,這種消費又似乎帶動了一點點經濟。

聽十個男人,九個也不喜歡女人太瘦,但為何還有這麼多一百磅多一點的女士嚷著要減肥呢?真奇怪!emoticon


[引用] | 作者 鬍鬚人 | 3rd Jan 2007 | [舉報垃圾留言]

[21] Re: 笨爸
笨爸 :

最怕女仔"骨慘慘",攪落去吉手既!

...係"攬",唔係"攪",哈哈! "攪"就唔係吉"手"啦!

wa~你小心d好喎, 嚇死人咩~~~

好色啊! 不要回應你後面果part呀!


[引用] | 作者 Cherrie | 3rd Jan 2007 | [舉報垃圾留言]

[20]

...係"攬",唔係"攪",哈哈! "攪"就唔係吉"手"啦!


[引用] | 作者 笨爸 | 3rd Jan 2007 | [舉報垃圾留言]

[19]

最怕女仔"骨慘慘",攪落去吉手既!


[引用] | 作者 笨爸 | 3rd Jan 2007 | [舉報垃圾留言]

[18] Re: 菜鳥
菜鳥 :
自問唔算肥人,應該係比較有福氣型之嘛但都曾經俾人話我象腿!記到而家呀我,講起都慶慶地!

到底d人知唔知咩叫做象呢? 叫佢番幼稚園進修下先啦!有心唔怕遲喎...

菜鳥啊~有福氣型先可愛又親和架嘛, 全知賢都圓圓地~超好看的!!


[引用] | 作者 Cherrie | 3rd Jan 2007 | [舉報垃圾留言]

[17]

自問唔算肥人,應該係比較有福氣型之嘛
但都曾經俾人話我象腿!記到而家呀我,講起都慶慶地!


[引用] | 作者 菜鳥 | 3rd Jan 2007 | [舉報垃圾留言]

[16] Re: Amy
Amy :
Cherrie :有少少 baby fat先好睇先可愛~你睇張柏芝而家同做星願果時就知啦~~~

絕對同意肥肥地好cute 啦~起碼攬落都有d手感嘛^+++^

Amy係健康陽光型, Beach Girl一類, 絕對唔係骨感型, 所以自己人支持自己人~~~~


[引用] | 作者 Cherrie | 3rd Jan 2007 | [舉報垃圾留言]

[15] Re: 田中小百合
田中小百合 :
怪不得減肥風在日韓和大中華地區的大城市吹得梗勁啦,原來系同人口密度有關。

呢個係我估計囉.....


[引用] | 作者 Cherrie | 3rd Jan 2007 | [舉報垃圾留言]

[14] Re: Re: blue
Cherrie :
blue :外國好多都痴肥, 所以o係香港俾人話肥的女仔, 去到果邊都好fit架啦之不過, 一個人太肥或太瘦都唔好囉.同埋我想講有d人係肥肥地先cute先好睇呀

有少少 baby fat先好睇先可愛~你睇張柏芝而家同做星願果時就知啦~~~

絕對同意肥肥地好cute 啦~
起碼攬落都有d手感嘛^+++^


[引用] | 作者 Amy | 3rd Jan 2007 | [舉報垃圾留言]

[13]

怪不得減肥風在日韓和大中華地區的大城市吹得梗勁啦,原來系同人口密度有關。


[引用] | 作者 田中小百合 | 3rd Jan 2007 | [舉報垃圾留言]

[12] Re: domotoiceko
domotoiceko :
黃金的經歷,我都有,搭巴士時成日撞到個盤骨…現在的人太迷信瘦就是好…好恐怖

黃金都唔知設計比邊個行既...我最討厭去黃金...只係有時陪d男仔友人無奈地要去既姐...

撞得到你"舊骨"即係你好瘦啦~我舊骨比d肉好好咁保護住...


[引用] | 作者 Cherrie | 3rd Jan 2007 | [舉報垃圾留言]

[11] Re: blue
blue :
外國好多都痴肥, 所以o係香港俾人話肥的女仔, 去到果邊都好fit架啦
之不過, 一個人太肥或太瘦都唔好囉.同埋我想講有d人係肥肥地先cute先好睇呀

有少少 baby fat先好睇先可愛~你睇張柏芝而家同做星願果時就知啦~~~


[引用] | 作者 Cherrie | 3rd Jan 2007 | [舉報垃圾留言]

[10] Re: Man Cheung
Man Cheung :
全港有成二,三千間靠纖體公司, 佢地都係靠你講D人開飯嫁!
前年我在星加坡市中心逛了一圈, 嘩! 滿城盡是肥妹妹.....勁過香港多多聲..........

WA!有咁多間咩?? 咁我係咪打爛人地飯碗呀?!死囉...牽涉咁龐大既利益集團我會唔會比人斬??~~~

係咩? 我未去過星加坡, 我以為坡妹妹個個都又高又瘦又索既tim~~~


[引用] | 作者 Cherrie | 3rd Jan 2007 | [舉報垃圾留言]

[9] Re: 嚴明
嚴明 :
Mmm, 說得很對!香港是一個compact city, "方便"就是她的賣點,左面是甜品,右面是七仔,這樣方便的城市世上沒有多少個.一個朋友問,香港那麼擁擠,為何不去澳洲,我的答案很簡單,就是喜歡香港小:P
再講,亞洲人沒有西方人的肥胖基因,減不到肥是不可能啊,當然也不用減到BMI 18以下,但既然醫學界一致認為肥不好,那為何不努力減肥?誰想跟一個四十歲就有高血壓或糖尿病的人結婚啊?Well, 中年發福是件頭痛事,為了減低到時的壓力,中年以前keep 在BMI 20以下也不太過啊:P

你是一個很理智的人, 你說的也對, 只是香港一般對肥人的歧視其實並不是因為健康問題, 老實講, 邊個係因為擔心欣宜的健康而笑佢, 叫佢快d去減肥丫...而且用歧視去"激勵"佢地去減肥都唔係好方法~

香港的確係一個好方便既地方~不過針無兩頭利, 方便得黎又會逼又會污染...唉~都好難決擇架~


[引用] | 作者 Cherrie | 3rd Jan 2007 | [舉報垃圾留言]

[8] Re: live
live :
美加的痴肥問題與香港的痴瘦問題同樣嚴重,美國的肥人乘飛機經濟位坐不下還要告航空公司歧視呢。香港瘦的文化愈來愈過火,因為這是個容不下稍有不同的人的社會,以嘲笑作攻擊。

係香港你坐唔落個位仲唔樣衰衰快d走咩....仲去告人, 實比人笑到面黃都得喇...


[引用] | 作者 Cherrie | 3rd Jan 2007 | [舉報垃圾留言]

[7] Re: poonwinghang
poonwinghang :
哈哈,我就是那些坐了會過界,然後侵越了同付了十元車資的乘客的權利的人…

唔係掛, 我記憶中的你好似唔係肥架喎~咁快中年發福?!~ ;p


[引用] | 作者 Cherrie | 3rd Jan 2007 | [舉報垃圾留言]

[6]

黃金的經歷,我都有,搭巴士時成日撞到個盤骨…
現在的人太迷信瘦就是好…好恐怖


[引用] | 作者 domotoiceko | 3rd Jan 2007 | [舉報垃圾留言]

[5]

外國好多都痴肥, 所以o係香港俾人話肥的女仔, 去到果邊都好fit架啦

之不過, 一個人太肥或太瘦都唔好囉.
同埋我想講有d人係肥肥地先cute先好睇呀


[引用] | 作者 blue | 3rd Jan 2007 | [舉報垃圾留言]

[4] 纖體公司

全港有成二,三千間靠纖體公司, 佢地都係靠你講D人開飯嫁!

前年我在星加坡市中心逛了一圈, 嘩! 滿城盡是肥妹妹.....勁過香港多多聲..........


[引用] | 作者 Man Cheung | 3rd Jan 2007 | [舉報垃圾留言]

[3]

Mmm, 說得很對!香港是一個compact city, "方便"就是她的賣點,左面是甜品,右面是七仔,這樣方便的城市世上沒有多少個.一個朋友問,香港那麼擁擠,為何不去澳洲,我的答案很簡單,就是喜歡香港小:P

再講,亞洲人沒有西方人的肥胖基因,減不到肥是不可能啊,當然也不用減到BMI 18以下,但既然醫學界一致認為肥不好,那為何不努力減肥?誰想跟一個四十歲就有高血壓或糖尿病的人結婚啊?Well, 中年發福是件頭痛事,為了減低到時的壓力,中年以前keep 在BMI 20以下也不太過啊:P


[引用] | 作者 嚴明 | 3rd Jan 2007 | [舉報垃圾留言]

[2]

美加的痴肥問題與香港的痴瘦問題同樣嚴重,美國的肥人乘飛機經濟位坐不下還要告航空公司歧視呢。香港瘦的文化愈來愈過火,因為這是個容不下稍有不同的人的社會,以嘲笑作攻擊。


[引用] | 作者 live | 3rd Jan 2007 | [舉報垃圾留言]

[1]

哈哈,我就是那些坐了會過界,然後侵越了同付了十元車資的乘客的權利的人…


[引用] | 作者 poonwinghang | 3rd Jan 2007 | [舉報垃圾留言]