香港新浪網 MySinaBlog
« 上一篇 | 下一篇 »
Cherrie | 16th Jan 2007 | 社會狀況, 回味文章 | (6879 Reads)

平均分: 10.00 | 評分人數: 2
近期各界就是否應開設「女性專用車廂」的問題鬧得沸沸騰騰,動作慢了一點,還是想加把嘴。根據民建聯的調查,有13%的女生曾於地鐵遭到非禮,這個數字不讓我感到驚訝,因為我及我身邊很多女生幾乎都遇過,不管是在地鐵或是其他地方,我覺得這個數字比我心目中的還要少。然後讓我驚訝的是,居然有逾七成女生在遭非禮後選擇沉默!觀乎我身邊女生,似乎大多數都不是善女一族,幾近全部都憤而還擊之,若非,則必將遭我輩責備。


當然,我並沒有深究這個調查到底如何做,定義是如何,我也不管這個數字是否正確了,我只想帶出一件事,就是,被非禮時,絕對要出聲!這種人不配叫男人,他們都在影衰男人!單細胞生物,不長腦袋,go where his peter points!

有人說穿有些女生「抵比人非禮」,因為她穿得性感。何謂之性感呢?而且,你戴金勞是不是等於邀請人去打劫你呢?那你到時不要報警。人家穿怎樣有人家的自由,單細胞生物是說什麼都不應去非禮人,非禮了人,就是錯,就這麼簡單。她誘人犯罪嗎?那大家把AV女郎強暴再強暴好了,應該都不算錯的。那我也想跟單細胞生物講,好,根據你這種邏輯,咁我都要打鑊你,你生得咁樣衰就唔好出街啦,你咁行出街即係引誘我打鑊你,係咪咁?

說回正題,我是覺得不必開設「女性專用車廂」的。試問,你能開多少卡給女生?你沒可能開半數的車廂吧?那根本沒多少女生能擠進去,那沒擠進去的,怎辦?那坐巴士,怎辦?另,更重要的是,為何我要特別去「女性專用車廂」以避開色狼呢?他在犯法啊!抓他啦!還要我避開呢!那沒進「女性專用車廂」的,是不是就代表可以非禮了?與夜行要人護衛不同,因女生夜行遭遇色狼可能奮力抵抗仍難逃魔掌,但地鐵是何其公開又多人的地方,只要你一叫「非禮!」,色狼都一定會/要停手。很夜了車廂沒人嗎?每卡都有一個與車長通話的按鈕,告知車長吧。女生,堅強一點吧,在地鐵遇色狼便大叫,根本不需出動「女性專用車廂」的。受辱了連叫一聲的勇氣都沒有,反而鑽進「女性專用車廂」,豈不更壯色狼之膽?

色狼都是欺善怕惡的,今天欺負了你你不敢聲張,他受鼓勵,以為女生都好欺負,反正沒後果的,何樂而不為?明天,你不知道他會對誰下手,也許是你的朋友你的家人,膽愈來愈壯,你不知道下一步他們猖狂到何種地步。張聲制止他,小懲大誡,保護了將來的受害者,是積福行善;縱容他,間接害了人,是做壞事,有損陰德。

有人怕張聲了色狼會反唇相稽,是會有這樣的無賴,不過不多。有這樣的無賴,我就跟他纏,唔駛驚,有排未鬧到你,我由你太爺開始鬧起。你不想的,罵幾句惡毒的冷笑走開,車廂中的人基本上都會幫你的,他也不敢拿你怎樣,你沒做錯,怕他啥?他說你這麼醜他怎會非禮你嗎?問他:「你沒非禮我我撞車斷雙腳,你有非禮我你撞車斷雙腳,點啊?你講多次你有無?你對住燈火講!」

他扮睡然後坐在你旁邊伸手摸你大腿嗎?打個電話給朋友,張開喉嚨講:「坐我隔離條麻甩佬扮訓覺係度摸足我成分鐘,仲扮緊訓喎,既然訓緊,我幫佢影張相寄比雜誌。」他會突然紥醒然後醒起要下車。

我講過,色狼都是欺善怕惡的,所以他們都專挑好欺負的下手,女生警醒一點,一開始就擺定態度。有阿叔在地鐵一直淫笑著看著我,我定睛看著他,他就淫笑著定睛看我的胸部,在搓手,還把手在其胸前作狀向前搓的模樣,我一腔怒火,抱手走到他跟前,歪頭怒目而視,他就軟掉退縮然後下車了。你要是怕嗎?誰知他待會會做什麼。

我更友輩有更多被非禮的報復手段,遲下公開供各方參考。總之都係一句,女生,受辱了要出聲!









[121] 恶心女人!

这个写文的女人很变态!


[引用] | 作者 这个女人很变态 | 29th Apr 2011 | [舉報垃圾留言]

[120]

著短裙抵比人非禮


[引用] | 作者 aaa | 12th Jan 2009 | [舉報垃圾留言]

[119]

如果調轉頭
有男生被女生屈非禮
咁有冇一D好方法反抗呢
我看了你幾遍文章
我相信你會好中肯的


[引用] | 作者 CC | 29th Dec 2008 | [舉報垃圾留言]

[118]

102%認同>v


[引用] | 作者 yumi | 21st Jul 2008 | [舉報垃圾留言]

[117]

支持!!


[引用] | 作者 cl | 26th May 2007 | [舉報垃圾留言]

[116]

做地鐵車箱中的男人也不容易呀,何某現在進到地鐵車箱,總是把雙手緊緊縮在身旁。無辦法,單身男人(若果有女朋友的話非禮嫌疑是沒那麼大的),且樣貌猥鎖,真的很容易被誤會。
因此男人也要「自保」--收埋隻手。之但係車箱內這麼擠逼,碰撞少不免,特別是爭位落車的時候。
還好從未被人誤會過,大叫色狼,否則被人個女人指着,做男人的即使沒非禮過也真是有口難言...


[引用] | 作者 何許人 | 15th Feb 2007 | [舉報垃圾留言]

[115]

第一次來~~~打個招呼~~睇左你兩篇文章~~~覺得你好有火~~好有烈女FEEL ~~~~勁!!!我會多D上黎GA LA ~


[引用] | 作者 crystalfa | 9th Feb 2007 | [舉報垃圾留言]

[114] Re: t-cup
t-cup :
今日在 forum 看到香港火車痴漢被制服的片段, 有冇人是主角? haha~
http://www.youtube.com/watch?v=PftDUK2vXDY

嗯...想噁...好猥瑣討厭的樣...被他摸了肯定很大心理陰影....

雖然我不可以肯定他是犯了事, 但我心底很討厭他...

如果他真非禮女生了, 實在是太好了! 捉哂佢地啦!!!!哼!


[引用] | 作者 Cherrie | 29th Jan 2007 | [舉報垃圾留言]

[113]

今日在 forum 看到香港火車痴漢被制服的片段, 有冇人是主角? haha~

http://www.youtube.com/watch?v=PftDUK2vXDY


[引用] | 作者 t-cup | 29th Jan 2007 | [舉報垃圾留言]

[112] Re: 憎死賤男人!!!- Gary Tam
garytam1977 :
這篇和另兩篇“反色狼大聯盟”實在寫得叫人拍案叫絕 ── 內容甚具參考價值,所以轉寄了給親朋戚友!
我也寫過一篇《臭男人,別博懵呀!!!》,坦白說,我也憎死乘機博懵的賤男人!!!

多謝你, 你喜歡我就高興啦~

看了呀~haha~你對小奸真好呢~有人為自己心疼小奸知道的話一定會好溫暖的! 加油啊你要!!

說實在的我見各位男生都那麼正義好感動的, 我初初還怕大家會不喜歡我這樣寫啦~


[引用] | 作者 Cherrie | 24th Jan 2007 | [舉報垃圾留言]

[111] 憎死賤男人!!!

這篇和另兩篇“反色狼大聯盟”實在寫得叫人拍案叫絕 ── 內容甚具參考價值,所以轉寄了給親朋戚友!

我也寫過一篇《臭男人,別博懵呀!!!》,坦白說,我也憎死乘機博懵的賤男人!!!


[引用] | 作者 garytam1977 | 24th Jan 2007 | [舉報垃圾留言]

[110] Re: 小魚
小魚 :
這個真的是事實,很多我認識的女性朋友都遭人非禮過.....遇上露體狂算是不幸中之大幸,至少沒有大損失...
若果不幸遇上了,其實不用說那麼多,大聲叫非禮,一定會有好多人幫手的...我相信,至少我會 =p
不過我覺得香港女生的警覺性其實是甚低的,警覺性高一點,好多時也可避免

多謝你小魚!!!又一個具正義感的男生!!!我會叫朋友們被非禮時盡量大叫~希望會剛巧遇到你拉~

我就是獵狗~不過有時還是會走漏眼啦~反正就是有事大叫就好了~~~


[引用] | 作者 Cherrie | 21st Jan 2007 | [舉報垃圾留言]

[109]

這個真的是事實,很多我認識的女性朋友都遭人非禮過.....遇上露體狂算是不幸中之大幸,至少沒有大損失...

若果不幸遇上了,其實不用說那麼多,大聲叫非禮,一定會有好多人幫手的...我相信,至少我會 =p

不過我覺得香港女生的警覺性其實是甚低的,警覺性高一點,好多時也可避免


[引用] | 作者 小魚 | 19th Jan 2007 | [舉報垃圾留言]

[108] Re: 鬍鬚人
鬍鬚人 :
記得以前有齣Jodie Foster做的電影,好似叫《暴劫梨花》,法官最後判那班就手旁觀、不加制止、看人輪姦Jodie像熱鬧的男人一同有罪,因為他們形同幫凶,簡直發人深省!

超同意!!!!!超同意!!!!
希望有多d人看到我們的討論, 再見到有人被非禮就要伸出援手了!

你咁快諗到個咁貼題既電影你都幾厲害喎...


[引用] | 作者 Cherrie | 19th Jan 2007 | [舉報垃圾留言]

[107] Re:
Cherrie :
主要係大家都好有正義感姐~! 真好!! 係啊! 要將班人渣無賴趕盡殺絕!!大家都要同心合力啊~~~
希望d人唔好再以趕時間為由迫果個在巴士上被非禮既女仔唔好報案, 又埋怨佢阻住個地球轉...呢d人真係可以話係同d人渣垃圾同流合污呀!!!

記得以前有齣Jodie Foster做的電影,好似叫《暴劫梨花》,法官最後判那班就手旁觀、不加制止、看人輪姦Jodie像熱鬧的男人一同有罪,因為他們形同幫凶,簡直發人深省!


[引用] | 作者 鬍鬚人 | 18th Jan 2007 | [舉報垃圾留言]

[106] Re: Carson
Carson :
對的,我覺得今時今日地你只要大叫一聲,一定會有人出來幫你手的,因為我們男的都唔想比o的非禮人的男人影衰自己呢!加上香港太多人啦,一卡半卡根本沒有用,除非是:下一班是女性專車,男仕請乘搭下一班列車.

Carson你呢個好有point啊! 要分一班班先得了, 但到時又要有女士專用月台先得喎~~唔係佢地都可以係月台犯案呢!!

係啊!其實好多香港人都好有正義感, 見到一定會幫手, 唔幫都會留意住, 個男人一想郁手打人或者辱罵個女仔, 應該都實有男人出來制止 (男人有氣有力打得下睇得下嘛) 我問好多男性朋友佢地都話會, 而家仲加埋你tim~ 所以話, 其實香港男仔好多都好好, 千萬唔好比果d害群之馬影響形象就好了...


[引用] | 作者 Cherrie | 18th Jan 2007 | [舉報垃圾留言]

[105] Re: Gabriel
Gabriel :
你們所指女人味或女人香水,其實是由一種叫做信息素,也稱外激素或費洛蒙(Pheromone)而來的。
至於這種信息素不論男女都有。
http://zh.wikipedia.org/w/index.php?title=%E4%BF%A1%E6%81%AF%E7%B4%A0&variant=zh-hk
cherrie的香水問題,其實有時覺得自己香水味ok,但是其他人覺得不好,有時是因為自己習慣了自己的氣味,而當買香水時忽略了一點,但是香水的發出的味道,除了香水之外,使用者本身身體上的味道也會影響,所以不同人用同一種香水,最後的效果有所不同。
而當使用者很愛吃肉時,通常出來的味道會較濃。

WA! Gabriel你好有研究呀!!!咁我明了, 有d女仔d香水真係會薰到我暈咁滯, 所以我每次塗香水都會問朋友, 會唔會太濃呀?

我少食肉, 都係澱粉質質飽個肚, 會唔會好d~~~可能我個身會有麥味~~hahaha


[引用] | 作者 Cherrie | 18th Jan 2007 | [舉報垃圾留言]

[104] Re: 鬍鬚人
鬍鬚人 :
Cherrie你真是一石激起千層浪!我也反對設置「女性專用車廂」,因為這樣做根本是本末倒置,難道下次要設「女性專用通道」、「女性專用商場」、「女性專用巴士」……應該做的,是合力令色狼無地自容、將他們繩之於法。

主要係大家都好有正義感姐~! 真好!! 係啊! 要將班人渣無賴趕盡殺絕!!大家都要同心合力啊~~~

希望d人唔好再以趕時間為由迫果個在巴士上被非禮既女仔唔好報案, 又埋怨佢阻住個地球轉...呢d人真係可以話係同d人渣垃圾同流合污呀!!!


[引用] | 作者 Cherrie | 18th Jan 2007 | [舉報垃圾留言]

[103]

對的,我覺得今時今日地你只要大叫一聲,一定會有人出來幫你手的,因為我們男的都唔想比o的非禮人的男人影衰自己呢!
加上香港太多人啦,一卡半卡根本沒有用,除非是:下一班是女性專車,男仕請乘搭下一班列車.


[引用] | 作者 Carson | 18th Jan 2007 | [舉報垃圾留言]

[102]

你們所指女人味或女人香水,其實是由一種叫做信息素,也稱外激素或費洛蒙(Pheromone)而來的。

至於這種信息素不論男女都有。

http://zh.wikipedia.org/w/index.php?title=%E4%BF%A1%E6%81%AF%E7%B4%A0&variant=zh-hk

cherrie的香水問題,其實有時覺得自己香水味ok,但是其他人覺得不好,有時是因為自己習慣了自己的氣味,而當買香水時忽略了一點,但是香水的發出的味道,除了香水之外,使用者本身身體上的味道也會影響,所以不同人用同一種香水,最後的效果有所不同。

而當使用者很愛吃肉時,通常出來的味道會較濃。


[引用] | 作者 Gabriel | 17th Jan 2007 | [舉報垃圾留言]

[101]

Cherrie你真是一石激起千層浪!
我也反對設置「女性專用車廂」,因為這樣做根本是本末倒置,難道下次要設「女性專用通道」、「女性專用商場」、「女性專用巴士」……
應該做的,是合力令色狼無地自容、將他們繩之於法。


[引用] | 作者 鬍鬚人 | 17th Jan 2007 | [舉報垃圾留言]

[100] Re: t-cup
t-cup :
有o架. 聽聞話係女性賀爾蒙發出的香味哩. (唔係讀醫, 我當然都係以耳代目) 菜肉飽, 燒賣就唔似 xD 但我就聞過有o的女仔身上面有少少奶的香味 (唔係講衰o野). 果o的味唔分靚定唔靚, 係女仔都有的, 而且絕對不是化妝品味道o黎. 人工味道同女性本身的體香, 可能男性與生俱來已經分別到o卦? 我就從來唔會混亂哩o的味道. 如果冬天著多o的衫就無咁濃, 而人為化妝品香水亦有可能覆蓋過自然體香

啊? 你咁講我又諗起其實我久不久都聞到人地身上面有奶味喎...有男有女喎...係幾Pleasant既~

點解我問你香水呢個問題呢, 因為我有時都唔知香水到底係咪一樣pleasant既野, 有時自己塗覺得幾好, 但聞到人地塗香水就覺得好嗆...


[引用] | 作者 Cherrie | 17th Jan 2007 | [舉報垃圾留言]

[99] re: t-cup
Cherrie : HA? 女人真係有一陣女人味架??呢個我真係幾驚訝 (突然覺得自己好似菜肉飽燒賣咁有陣味~haha)咁係咪要好靚既靚女你地先會有咁既感覺呢? and, 其實係咪真係要好埋先聞到架?? and, 香水算唔算?
有o架. 聽聞話係女性賀爾蒙發出的香味哩. (唔係讀醫, 我當然都係以耳代目) 菜肉飽, 燒賣就唔似 xD 但我就聞過有o的女仔身上面有少少奶的香味 (唔係講衰o野). 果o的味唔分靚定唔靚, 係女仔都有的, 而且絕對不是化妝品味道o黎. 人工味道同女性本身的體香, 可能男性與生俱來已經分別到o卦? 我就從來唔會混亂哩o的味道. 如果冬天著多o的衫就無咁濃, 而人為化妝品香水亦有可能覆蓋過自然體香


[引用] | 作者 t-cup | 17th Jan 2007 | [舉報垃圾留言]

[98] Re: t-cup
t-cup :
所以我習慣雙手o查住碌柱.. xD 我用斜背包, 所以無得囉. 我唔喜歡正面背住女生, 可以話你知, 身為擁有男性獸性的生物體 (即係男人), 在後面聞到女仔果陣女人味 (i mean.. 女人果陣味. 男女大不同, 女人唔覺有, 但男人會好覺) 或者洗髮水的香味, 獸性會不自覺地上腦. 哈哈~~

無話咩 gentleman.. 我一向怕煩, 我唔鍾意無o野但有人黑超超我 = ="

HA? 女人真係有一陣女人味架??呢個我真係幾驚訝 (突然覺得自己好似菜肉飽燒賣咁有陣味~haha)咁係咪要好靚既靚女你地先會有咁既感覺呢? and, 其實係咪真係要好埋先聞到架?? and, 香水算唔算?


[引用] | 作者 Cherrie | 17th Jan 2007 | [舉報垃圾留言]

[97] Re: domotoiceko
domotoiceko :
--有人說穿有些女生「抵比人非禮」,因為她穿得性感。--那大家把AV女郎強暴再強暴好了
讓我想起年中阿嬌被偷拍時有人說,做得藝人預咗比人睇…當時我都係有你說的感覺,那出呢行古惑仔就抵被人劈?﹗自己做錯事還將錯歸咎他人很可惡﹗﹗

Exactly!!!果時我聽到有人咁講我都好驚訝...都係果句, 咁你生得咁樣衰係咪預左我會打鑊你?


[引用] | 作者 Cherrie | 17th Jan 2007 | [舉報垃圾留言]

[96] Re: 朋友仔
朋友仔 :
縱容佢只會害左其他人,我唔止唔忍
見到其他女人俾人欺侮我一定俏俏地行埋去打鑊佢

我知道.....朋友仔最鐘意伸張正義...一排男人唔讓座比大肚婆都比你鬧到"唐吉訶德式地跌倒"了..何況見到非禮...

但你悄悄地行埋去打鑊人, 個感覺好惹笑.....


[引用] | 作者 Cherrie | 17th Jan 2007 | [舉報垃圾留言]

[95]

--有人說穿有些女生「抵比人非禮」,因為她穿得性感。
--那大家把AV女郎強暴再強暴好了

讓我想起年中阿嬌被偷拍時有人說,做得藝人預咗比人睇…當時我都係有你說的感覺,那出呢行古惑仔就抵被人劈?﹗
自己做錯事還將錯歸咎他人很可惡﹗﹗


[引用] | 作者 domotoiceko | 17th Jan 2007 | [舉報垃圾留言]

[94]

縱容佢只會害左其他人,我唔止唔忍

見到其他女人俾人欺侮我一定俏俏地行埋去打鑊佢


[引用] | 作者 朋友仔 | 17th Jan 2007 | [舉報垃圾留言]

[93] Re: Re: t-cup
Cherrie : 如果你真係咁怕我建議你可以 -- 雙手唔好亂放, 可以握住扶手, 公事包或交抱胸前, 背對女生, 唔好正面貼近女生背面, 眼睛不要亂瞟, 有男仔堆就靠近男仔堆...
不過聽你講, 你都幾considerate丫, 同你坐地鐵應該會覺得你好gentleman, 所以唔會有事既~
所以我習慣雙手o查住碌柱.. xD 我用斜背包, 所以無得囉. 我唔喜歡正面背住女生, 可以話你知, 身為擁有男性獸性的生物體 (即係男人), 在後面聞到女仔果陣女人味 (i mean.. 女人果陣味. 男女大不同, 女人唔覺有, 但男人會好覺) 或者洗髮水的香味, 獸性會不自覺地上腦. 哈哈~~

無話咩 gentleman.. 我一向怕煩, 我唔鍾意無o野但有人黑超超我 = ="


[引用] | 作者 t-cup | 17th Jan 2007 | [舉報垃圾留言]

[92] Re: Oasis
Oasis :
我唔知同你又夾唔夾呢~?又唔知可唔可以一齊食飯咁呢~?;p

HAHA~夾定啦! 大家約埋食飯啦~


[引用] | 作者 Cherrie | 17th Jan 2007 | [舉報垃圾留言]

[91] Re: t-cup
t-cup :
所以而家其實搭 MTR 好慘, 企女仔身邊 (尤其靚女)後面都盡量留番 1 個身位, 或者平排企就算. 勉強都唔會入 > 150% 車卡或者等下一列列車.
而家搭車, 通常有位企我都企卡與卡之間碌柱果度.. 果度少人企加有柱頂唔住, 一定唔出事. hahaha~~

如果你真係咁怕我建議你可以 -- 雙手唔好亂放, 可以握住扶手, 公事包或交抱胸前, 背對女生, 唔好正面貼近女生背面, 眼睛不要亂瞟, 有男仔堆就靠近男仔堆...

因為我都是這樣的, 免得被人誤為女色狼~hohohoh~

不過聽你講, 你都幾considerate丫, 同你坐地鐵應該會覺得你好gentleman, 所以唔會有事既~


[引用] | 作者 Cherrie | 17th Jan 2007 | [舉報垃圾留言]

[90] Re: blue
blue :
似乎大家的阿媽都不簡單我有個朋友, 說她媽媽在街上被大叔以為是北嫂問價, 便施以粗口擊退大叔. 我想阿媽們都不好欺啊

HOHOHO~你朋友阿媽都堅!所以別以為大媽好欺負呀!大家都要學習阿媽精神, 堅強勇敢地反抗呀!


[引用] | 作者 Cherrie | 17th Jan 2007 | [舉報垃圾留言]

[89] Re: Agree - michael
Michael :
受辱了要出聲.Well, in MTR, boys are not safe too.There are the people aimed to boys too.

是啦! 所以如果男生受辱了都要出聲! 其他人見到都要幫手!!!


[引用] | 作者 Cherrie | 17th Jan 2007 | [舉報垃圾留言]

[88] Re: 仔仔
仔仔 :
如果,比女性非禮,又點做好呀?

如同我在之前的留言同Gabriel講, 講真, 我真係覺得男仔都應該加強呢方面既意識, 要保護自己! 色狼既對象可以係男亦可以係女, 色狼亦可以係男可以係女, 男網友們就是遇到"男色狼", 都幾得人驚...

各位男士, 記住一定要表明態度同反抗! 而且希望其他人都要明白呢個道理, 有男生被非禮都要挺身相助!


[引用] | 作者 Cherrie | 17th Jan 2007 | [舉報垃圾留言]

[87]

所以而家其實搭 MTR 好慘, 企女仔身邊 (尤其靚女)後面都盡量留番 1 個身位, 或者平排企就算. 勉強都唔會入 > 150% 車卡或者等下一列列車.

而家搭車, 通常有位企我都企卡與卡之間碌柱果度.. 果度少人企加有柱頂唔住, 一定唔出事. hahaha~~


[引用] | 作者 t-cup | 17th Jan 2007 | [舉報垃圾留言]

[86]

似乎大家的阿媽都不簡單
我有個朋友, 說她媽媽在街上被大叔以為是北嫂問價, 便施以粗口擊退大叔. 我想阿媽們都不好欺啊


[引用] | 作者 blue | 17th Jan 2007 | [舉報垃圾留言]

[85] Agree

受辱了要出聲.
Well, in MTR, boys are not safe too.
There are the people aimed to boys too.


[引用] | 作者 Michael | 17th Jan 2007 | [舉報垃圾留言]

[84]

我唔知同你又夾唔夾呢~?
又唔知可唔可以一齊食飯咁呢~?;p


[引用] | 作者 Oasis | 17th Jan 2007 | [舉報垃圾留言]

[83]

emoticon 如果,比女性非禮,又點做好呀?


[引用] | 作者 仔仔 | 17th Jan 2007 | [舉報垃圾留言]

[82] Re: Re: Amy
Cherrie :
Amy :一定要先聲奪人呀!大大聲咁話,'摸夠未呀你,再摸我就打爆你個頭!'星佢2巴先至帥氣地落車~嘻~贏哂!(暴力因子作祟)

hahah!你咁講個男人一定會驚呀!因為知你一定可以打得爆佢個頭, 唔介意既話我下次要講下你, 上次我地三個遇到色狼既經過! 你直情係經典啦!

咁久遠既事我都唔係好記得loo.
不過麻煩你盡量唔好影響我形象呀!
唔該!


[引用] | 作者 Amy | 17th Jan 2007 | [舉報垃圾留言]

[81] Re: Re: Amy
Cherrie :
Amy :一定要先聲奪人呀!大大聲咁話,'摸夠未呀你,再摸我就打爆你個頭!'星佢2巴先至帥氣地落車~嘻~贏哂!(暴力因子作祟)

hahah!你咁講個男人一定會驚呀!因為知你一定可以打得爆佢個頭, 唔介意既話我下次要講下你, 上次我地三個遇到色狼既經過! 你直情係經典啦!

咁久遠既事我都唔係好記得loo...
之但係你盡量麻煩唔好破壞我印象呀唔該!~


[引用] | 作者 Amy | 17th Jan 2007 | [舉報垃圾留言]

[80] Re: 細k
細k :
我呀媽都是很厲害的~細個有次有D飛仔想搗亂,結果比吖媽打走晒~~~不過我最討厭一些八氏家族,試過有人比人非禮後比班人知道,跟住話:「下?咪講笑啦,佢咁醜樣!」(係其他學校到聽番來)

嘩! 你阿媽都係穆桂英黎架喎...點解d阿媽個個都打得??

咁既人都有既? 有無人性架?


[引用] | 作者 Cherrie | 17th Jan 2007 | [舉報垃圾留言]

[79] Re: Hak
Hak :
女人你的名字叫兇狠,嘻
不過我到讚成對佢地不留情面

也不是啦~只是對色狼兇狼啦....

別想到我平時也那麼樣啦...haha~hehe~(還是要顧點形象比較好...)


[引用] | 作者 Cherrie | 16th Jan 2007 | [舉報垃圾留言]

[78]

我呀媽都是很厲害的~細個有次有D飛仔想搗亂,結果比吖媽打走晒~~~
不過我最討厭一些八氏家族,試過有人比人非禮後比班人知道,跟住話:「下?咪講笑啦,佢咁醜樣!」(係其他學校到聽番來)


[引用] | 作者 細k | 16th Jan 2007 | [舉報垃圾留言]

[77] Re: Re: Gabriel
Cherrie :
Gabriel :你有點息很重要的,就是不退縮。家母當年試過上班中場休息時,在公園給一些老伯用不禮貌的眼神凝望。家母的說話是(以下含有粗言,敬請留意)「死伯父,望咩x望,再望就連xx都打爆你吖嗱。」(其實我背後稱家母為「海鮮業工會永遠榮譽主席」,得罪她比很罪恐怖份子還要恐怖)之後那班老伯立即鳥獸散。還有一次她用爽健健康鞋,直接擲中跟縱者。其實色狼最怕女仔縮埋一舊,又最怕惡女人。

「海鮮業工會永遠榮譽主席」, 爽健健康鞋,直接擲中跟縱者。笑死我!!!!hahahaahhaahha~!!!!!我好想同伯有做朋友呢!!!幾時得閒食餐飯呀?!!!!!教下我d後輩....
我覺得伯有同我果位朋友仔好似!!!!伯有簡直係女中豪傑, 係我地女生既教宗!!!!!
對, 就係唔退縮!!你愈退縮佢愈興奮!!興奮? 我打爆你個頭呀興奮!

女人你的名字叫兇狠,嘻

不過我到讚成對佢地不留情面


[引用] | 作者 Hak | 16th Jan 2007 | [舉報垃圾留言]

[76] Re: Gabriel
Gabriel :
Cherrie :Gabriel :cherrie你聽日不如結合我地被非禮既經過,然後寫返篇:如何對付死色狼—男女共同version都好喎。AHHAHAHA~有咁多, 要分好多篇喎~而且如何對付色狼, 真係要問下朋友仔先得, 佢同你阿媽一樣, 得人驚過恐怖分子~~hahaha~

呢d好有興趣睇

好好好, 等我下次寫下我d朋友既經歷比大家知...等大家有個防範~


[引用] | 作者 Cherrie | 16th Jan 2007 | [舉報垃圾留言]

[75] Re: Re: Gabriel
Cherrie :
Gabriel :
cherrie你聽日不如結合我地被非禮既經過,然後寫返篇:如何對付死色狼—男女共同version都好喎。
AHHAHAHA~有咁多, 要分好多篇喎~而且如何對付色狼, 真係要問下朋友仔先得, 佢同你阿媽一樣, 得人驚過恐怖分子~~hahaha~

呢d好有興趣睇


[引用] | 作者 Gabriel | 16th Jan 2007 | [舉報垃圾留言]

[74] Re: Gabriel
Gabriel :
不過佢擊中左色狼之後,要自己執返隻鞋,要扣返少少分囉……

HAHAAH!咁唔通單住腳咁跳番屋企咩? 爽健鞋喎, 都貴野黎架嘛! 蝕比個色狼咩唔通~~~我已覺你媽媽太勁!我好仰慕佢, 佢收徒弟嗎?


[引用] | 作者 Cherrie | 16th Jan 2007 | [舉報垃圾留言]

[73] Re: Gabriel
Gabriel :
cherrie你聽日不如結合我地被非禮既經過,然後寫返篇:如何對付死色狼—男女共同version都好喎。

AHHAHAHA~有咁多, 要分好多篇喎~而且如何對付色狼, 真係要問下朋友仔先得, 佢同你阿媽一樣, 得人驚過恐怖分子~~hahaha~


[引用] | 作者 Cherrie | 16th Jan 2007 | [舉報垃圾留言]

[72] Re: Gabriel
Gabriel :
呢點都明,但要個男人無啦啦求救已經好辛苦……
男人之苦啊

我明白, 其實男人可以串少少串番佢, 加上你話哂係男人, 唔似我地女仔, 佢地會講粗口加話你醜之類侮辱你, 你有氣有力, 佢點都忌你三分既

而且我都想呼籲, 大家要放低成見, 男人唔代表唔會比人非禮, 遇到男生遭非禮都一定要挺身而出!!


[引用] | 作者 Cherrie | 16th Jan 2007 | [舉報垃圾留言]

Next