香港新浪網 MySinaBlog
« 上一篇 | 下一篇 »
Cherrie | 18th May 2007 | 國事天下事 | (1390 Reads)
馬力先生第一天見報的時候我已經大怒了,但是沒有立即寫,現在大家都寫了,參一腳吧。

摘自明報》:他建議特區政府應就六四事件「定調」,並把當年和現今的評論、官方說法都列舉出來,以免教師各自表述。「有些事情就應該由政府去決定,不是給老師自己講!(那不是干預言論自由嗎?)言論自由也要基於事實,不能『亂咁講』!」


我想問,為什麼這些事實要由政府去決定,政府的定調才是事實呢?事實本身就是事實,為什麼要政府來說那個才是事實?


日本「政府」不是說沒有慰安婦嗎?日本「政府」不是也「定調」去改歷史教科書嗎?馬力是不是想說,日本「政府」說的那些也是事實?還是他想說,只有中共政府講的才是事實,其他「政府」的又不算?

這下可好玩了。



另外,他還公開對記者稱呼柴玲為「呢條友」,又話用豬試下坦克會不會做肉餅,修養真的很成問題,你在那邊呷著茶說風涼話,難為逃亡的或者喪了兒女的父母,還要受你這樣的話來傷害。

馬先生,講野之前用下你個腦啦。



延伸閱讀:
明報:馬力:教師不該說六四屠城 促政府定調 司徒華狠批無恥
刁民公園:當年梗係冇屠城啦
無聊混混的地攤:日久見人心:路遙十八年之後的馬力
1996.粉筆字:馬力,謝謝你!
看。聽。影。想。愛。:不明白...
卡城移民茶館:64 Photos(內有血腥圖片)



********************************************

今天我還未開始看報紙,老細就走出來跟我講,她看新聞了,她告訴我中大校方跟學生會的人開會後,記者問學生,學生說學校會提供支持,誰知一轉頭,副校長步出,記者又問副校長,他卻說不會提供任何支援,不過有校友卻主動願意幫忙,學生覺得很訝異。即是,又行一貫作風,會議只是不斷的耍學生,耍到學生都誤會他們會支持,如非,就是一個副校連基本的表達「不會做」的能力都沒有,或者學生蠢到/有機心到這個地步。

她一臉婉惜的說,雖然不是中大校友,但還是覺得很難受,姑勿論學生有沒有錯,即使有,甚至很錯,為人父母者不是也會想法子扶一把而不是「你死你賤」嗎?幫什麼忙都好呀,校友幫忙是校友好,與校方是一點關係都沒有呀!校方什麼都不願意做,免得上身。明哲保身的態度,很是明顯。

她問我:「我一直看一直想:作為一個中大學生,如何會對這樣的學校有歸屬感?

我沉默。我能說什麼,喉頭又有一點噎。

良久,我說:「可是裡面有極好的教授。」但我知道,在學校,好些極好的教授都教得不快樂,那是因為校方偏離教育理念的政策,把它當商營機構一樣處理,有時他們就會私下跟我們吐吐苦水。

我說:「跟高錕校長、關信基老師和蔡子強老師,他們何止差數十萬里遠。」

怕死的,不能當教育界,回去搞商業。教育之本是學生,不是排名。

事件發生在什麼學校,我的說法都一樣。

突然很羨慕嶺南大學的學生。


*************************************



[48]

我今日先睇到你呢個entry
宜家睇返,百感交雜呢!

唔知佢講的時候有無預過自己有咁樣的一日?還是預左會咁,所以豁出去?

早排睇到一篇分析馬力的blog entry
另一個角度,都幾有趣的
小弟跟blog 主非親非故,純粹轉貼

http://lau_wan_ching.mysinablog.com/index.php?op=ViewArticle&articleId=592076


[引用] | 作者 TK | 10th Aug 2007 | [舉報垃圾留言]

[47]

馬力呢條友都應該拎佢出來俾大家「定調」啦!依家好多人係傳媒同網上「調」緊佢,仲「調」得佢好甘添!所以呢條友連香港都唔敢返。


[引用] | 作者 鬍鬚人 | 30th May 2007 | [舉報垃圾留言]

[46]

教育搞成咁,政府既「市場化」責任不少。現在講市場,最重要是校譽。


[引用] | 作者 亞占 | 22nd May 2007 | [舉報垃圾留言]

[45] Re: Lamji
Lamji :
香港存在既弊病越挖越出來...

挖出後來大家無能力去面對同解決係最弊呢...


[引用] | 作者 Cherrie | 22nd May 2007 | [舉報垃圾留言]

[44] Re: 早安
早安 :
政政系...

hahaha~很好呀~你咁有教學熱誠直情就係同關教授一脈相承啦~


[引用] | 作者 Cherrie | 22nd May 2007 | [舉報垃圾留言]

[43]

香港存在既弊病越挖越出來...


[引用] | 作者 Lamji | 21st May 2007 | [舉報垃圾留言]

[42] Re: Re: Cherrie
Cherrie :
早安 :Cherrie: 其實我係...

你係咩呀?

政政系...


[引用] | 作者 早安 | 20th May 2007 | [舉報垃圾留言]

[41] Re: "出位"的代價 - oj
oj :
不明白.為什麼對校方有那麼高的期望.學生天真得要校方愛護學生.你們並不是它的兒女啊!
學生要繼續"出位". 校方你死你賤.十分正常.

所以我說, 如果覺得學校和學生是商業關係的話就一切都可以理解了.

可能我好老土, 但我一直都深信, 教育係高錕校長, 關信基老師和蔡志強老師的那種氣度與愛

http://cylamei.mysinablog.com/index.php?op=ViewArticle&articleId=582482


[引用] | 作者 Cherrie | 20th May 2007 | [舉報垃圾留言]

[40] Re: 狗製陳皮
狗製陳皮 :
何必為馬力生氣,華叔受訪時也幽了他一默,說馬力可能是無間道。
無風起浪,本來已漸漸淡化的六四情意結,又被他重新挑起,支聯會今年六四燭光晚會可能因馬力而人數大增,正如當年葉太「呼籲」了很多人在七一上街一樣。
支持馬力「呼籲」巿民出席燭光晚會﹗呵呵呵…

今次佢做得太出面了~大家都知道佢既身份啦~


[引用] | 作者 Cherrie | 20th May 2007 | [舉報垃圾留言]

[39] "出位"的代價

不明白.為什麼對校方有那麼高的期望.學生天真得要校方愛護學生.你們並不是它的兒女啊!

學生要繼續"出位". 校方你死你賤.十分正常.


[引用] | 作者 oj | 19th May 2007 | [舉報垃圾留言]

[38]

何必為馬力生氣,華叔受訪時也幽了他一默,說馬力可能是無間道。

無風起浪,本來已漸漸淡化的六四情意結,又被他重新挑起,支聯會今年六四燭光晚會可能因馬力而人數大增,正如當年葉太「呼籲」了很多人在七一上街一樣。

支持馬力「呼籲」巿民出席燭光晚會﹗
呵呵呵…


[引用] | 作者 狗製陳皮 | 19th May 2007 | [舉報垃圾留言]

[37] Re: Re: EC
Cherrie :
噢~sorry~我用錯字了, 不該用修養, 該用人性....

其實...我都覺得沒有幾多個政客是有人性的...


[引用] | 作者 EC | 19th May 2007 | [舉報垃圾留言]

[36] Re: JC
JC :
well..總之就係一團亂啦..都唔明, 身為教育工作者都沒有教育既心

排名與捐款比較重要啊~


[引用] | 作者 Cherrie | 19th May 2007 | [舉報垃圾留言]

[35] Re: Joe
Joe : 先唔講學校有幾賤. 既然做錯左就要承擔後果, 而唔係去怪依個唔幫佢地, o個個唔幫佢地. 其實依件事對班中大學生黎講都算好事, 就當係佢地踏出社會前上寶貴既一課.
到底是不是錯, 有幾錯, 似乎永遠達不成共識, 我無咁叻可以係呢度講得清, 所以我set aside呢樣野, "即使"在最差的情況來講

"即使"是錯了, "即使"極錯, 即如兒子一時貪念偷竊被捕, 而父母說任何忙都不會幫你死你賤, 可以說, 有道理, 因為干父母什麼事, 你錯了你承擔後果, 但作為父母, 在子女犯了錯的時候這樣, 會不會有點涼薄?

如果子女不聽話亂跑亂跳而跌倒受傷, 要他從錯誤中學習替他上課, 就你死你賤唔幫忙包紥傷口...可以話要佢自己承擔後果等佢下次唔好, 但係作為父母, 又好似好狠心

我在討論的, "是父母那方的事", 當然, 如果有人說學校學生是商業關係, 咁我就覺得很合理了

我倒想說說, 校友心地很好...


[引用] | 作者 Cherrie | 19th May 2007 | [舉報垃圾留言]

[34] Re: Sharon
Sharon :
忘記說:Cherie,別為馬力這等劣質生物(我本來想說這等人,但最後覺得他連人也不配做)而生氣,還是等個天修他吧!!公道自在人心,至少他的歪理鈎起一班本來快要把六四淡忘的人的回憶,告訴我們真的這生人也不可忘記六四屠城一事,稍為一淡,便會有這些劣質生物出來攪鬼!

單細胞生物! 是在試探我們的底線嗎?


[引用] | 作者 Cherrie | 19th May 2007 | [舉報垃圾留言]

[33] Re: Sharon
Sharon :
昨天鄭海泉為班大學生們說了幾句好話,我突然想到:最好找超人李嘉誠或Sir Run Sun Shaw為學生說好話,這樣中大校方為免捐款凍過水,會立即一百八十度轉軚,一講到錢喎,什麼道德也可放埋一邊啦!超人一出聲,真是好過一千幾百個學者出來說話!!

果兩個人都講既話, 點止中大, 報紙都收聲了! 但我覺得, mr.李唔會講囉你放心


[引用] | 作者 Cherrie | 19th May 2007 | [舉報垃圾留言]

[32] Re: blue
blue :
劉校長... 我對佢o既感覺比阿瑟王更差雖云校長在出事之時不在香港, 但係咁大單, d人做野之時佢點會不知?返到黎, 雖然佢講到咁得體, 但係阿副校長又咁o既態度, 可想而家中大o既方向係點了...唉

我都唔識分邊個比邊個差了...

可能教訓我地, 唔好成日怨天尤人, 世上沒有最差的, 你覺得是最差的, 實情是你還沒有遇上更差的....

你睇, 幾咁需要感恩....


[引用] | 作者 Cherrie | 19th May 2007 | [舉報垃圾留言]

[31] Re: 米Sir
米Sir :
有冇睇麥嘜、麥兜呢。有一個故事係狼來了新版。有個小朋友玩火警鐘,城裏救火隊衝上山,而最肥最慢的隊員麥兜永遠都係最遲上到山,大家上到山就發現被個小朋友玩,小朋友就當然覺得開心好玩。如是者一次又一次,每次救火隊衝上山,都係被人玩,每次麥兜都係最遲一個。直到一次,小朋友敲響火警鐘,好耐都無人上山,等左好耐,一隻又肥又大o既豬,喘晒氣咁上到山,小朋友就問,點解個個都唔上山,你明知被人玩,你仲上山做咩呀...麥兜就話啦,如果真係發生火警,都起碼多我一個人幫手救火,總好過無人去幫手救火。小朋友深受感動,以後再無玩火警鐘。
故事完了。唔同人有唔同的領會。最後引用校長一句︰算吧啦,唔算都要算啦。

其實, 如果到最後我必得說這個結論, 真的是很灰, 超強烈的無力感...做人做到咁, 唉....這個世界愈看愈讓人無力, 所以, 常常想逃避...


[引用] | 作者 Cherrie | 19th May 2007 | [舉報垃圾留言]

[30] Re: mike7
mike7 :
中大上次森美事件,中大已經第一時間畫清界線... 怕死到咸!
香港係一個完全商業的社會!她完全容不下新思維、創新... 完全唔敢想又唔敢做...
一做踩界的事情就被千父所指!記住... 界一向都是用嚟踩嘅!
若想做創作... 大家請 Target 外國... 千祈唔好 Target 呢個保守、落後嘅香港....

唉.....
如果新思維同創新係有利經濟發展的是很受歡迎的呀~~~haha~~~


[引用] | 作者 Cherrie | 19th May 2007 | [舉報垃圾留言]

[29] Re: EC
EC :
呢方面我真係無乜火...講真...修養方面...做政客的沒有幾個是有的(不論那一派)所以我從來對所有政客說的話也是"哦"就算...
中大校方...我覺得不奇丫...這說明為什麼會出了這亂子...

噢~sorry~我用錯字了, 不該用修養, 該用人性....


[引用] | 作者 Cherrie | 19th May 2007 | [舉報垃圾留言]

[28] Re: dt
dt :
睇佐你個blog好耐第一次留言...希望唔好見笑
我自己係一個嶺南既大學生全因為見到你最低個句..激起我留言的衝動對中大呢件事真係覺得校方好有問題...唔支援,唔教導,係都要挖個洞出黎埋死d學生...我好多中大朋友仔都對學校好失望
我好自豪我地嶺南有陳坤耀做校長,好自豪有一班好愛錫我地學生既教授同導師,更加自豪既係我地既博雅精神雖然我地係成績上唔係最傑出既學生,但係我眼中嶺南係最有親情既學校,係最好既學校!
而家只希望中大學生報呢件事可以盡早完結,編輯們熬得都好辛苦啦...

多謝你成日黎探我呀朋友仔~我點會見笑呢, 你睇我咁多篇文你見笑就真啦~hahaah~

嶺南大學的學生真的很幸福, 有這樣好的校方, 這樣堅持教育理念, 很令人折服, 我相信學生在這樣的環境中會學到很多

我都希望件事快d完, 但我諗都要等有下一單大野出時先會停了~


[引用] | 作者 Cherrie | 19th May 2007 | [舉報垃圾留言]

[27] Re: 早安
早安 :
Cherrie: 其實我係...

你係咩呀?


[引用] | 作者 Cherrie | 19th May 2007 | [舉報垃圾留言]

[26] Re: uncle ray
uncle ray :
所以我一直不認為日本人要道歉.
佢都係學中國這大国吧.

嗯...好難應喎你呢個....


[引用] | 作者 Cherrie | 19th May 2007 | [舉報垃圾留言]

[25] Re: HS
HS :
另外,馬力果度,你用左我篇文個名,link左去HW篇文,嘻嘻。

我有十萬個對不起同唔好意思要比你, 真係好對唔住...我已更正...


[引用] | 作者 Cherrie | 19th May 2007 | [舉報垃圾留言]

[24] Re: HS
HS :
有人建議星期日,下午五點,返烽火台唱會歌。
http://www.xanga.com/bencrox

下...我唔識唱會歌架喎...


[引用] | 作者 Cherrie | 19th May 2007 | [舉報垃圾留言]

[23] Re: Todd
Todd :
講得好呢!乜野都定調,不如教數學都問吓政府1+1係咪等於2喇!
馬主席講野涼薄,又唔合邏緝,一D大將之風都冇,真係唔瞓都送佢一篇呢!

定調! 佢"漏""調"就真!


[引用] | 作者 Cherrie | 19th May 2007 | [舉報垃圾留言]

[22] Re: stanley
stanley :
馬力好明顯想擦中央鞋,他不知道新一代的領導人是多麼的聰,他只會被視中央視為小人,被所有中國人視為白癡!
中大現在正是攪商業而不是教育。所以我在自己的blog中,有一篇文章寫著:「……不要再顧住做市場推廣了,快放回多些時間在教育上……」

呢d擦鞋仔咪害死老闆囉!! 唉...痛心係啦....


[引用] | 作者 Cherrie | 19th May 2007 | [舉報垃圾留言]

[21] Re: 謝天下
謝天下 :
其實馬力是民主派的臥底。:)

haha~佢真係身負重任呀~~~三年後又三年, 三年後又三年~~直至老死~


[引用] | 作者 Cherrie | 19th May 2007 | [舉報垃圾留言]

[20] Re: 健
:
四、五年前d政政學生比社會學、社工等學生保守得多我仲記得果時sy同d超~~~~保守o既學生o係泳池邊由革命到政制吹到天花龍鳳,d學生一擰轉頭見到學生會招牌就X學生會d人「搞事」唔知呢,或者時代唔同左,學生都進步左
與蔡子強有數面之緣,一向冇咩好感今次居然俾佢感動到~~~佢應該未坐得好穩,居然敢出聲,勇氣可嘉(亦可能o係中大俾其他教授X緊~~~)

係? 我完全唔知既? 因為歷來政政都好似係d社運份子, 佢果次係媽人"搞事", 定媽佢"搞果一單事"呢(即唔同意呢件事)? 反正我在的時候不是那樣

我都有同感...我覺得佢而家應該有受壓啦, 有學者同輿論都媽佢, 但係, 我覺得做人但求無慚於心, 佢做到了, 也對得住關教授


[引用] | 作者 Cherrie | 19th May 2007 | [舉報垃圾留言]

[19]

well..總之就係一團亂啦..都唔明, 身為教育工作者都沒有教育既心


[引用] | 作者 JC | 19th May 2007 | [舉報垃圾留言]

[18]

先唔講學校有幾賤. 既然做錯左就要承擔後果, 而唔係去怪依個唔幫佢地, o個個唔幫佢地. 其實依件事對班中大學生黎講都算好事, 就當係佢地踏出社會前上寶貴既一課.


[引用] | 作者 Joe | 19th May 2007 | [舉報垃圾留言]

[17]

忘記說:Cherie,別為馬力這等劣質生物(我本來想說這等人,但最後覺得他連人也不配做)而生氣,還是等個天修他吧!!公道自在人心,至少他的歪理鈎起一班本來快要把六四淡忘的人的回憶,告訴我們真的這生人也不可忘記六四屠城一事,稍為一淡,便會有這些劣質生物出來攪鬼!


[引用] | 作者 Sharon | 19th May 2007 | [舉報垃圾留言]

[16]

昨天鄭海泉為班大學生們說了幾句好話,我突然想到:最好找超人李嘉誠或Sir Run Sun Shaw為學生說好話,這樣中大校方為免捐款凍過水,會立即一百八十度轉軚,一講到錢喎,什麼道德也可放埋一邊啦!超人一出聲,真是好過一千幾百個學者出來說話!!


[引用] | 作者 Sharon | 19th May 2007 | [舉報垃圾留言]

[15]

劉校長... 我對佢o既感覺比阿瑟王更差
雖云校長在出事之時不在香港, 但係咁大單, d人做野之時佢點會不知?
返到黎, 雖然佢講到咁得體, 但係阿副校長又咁o既態度, 可想而家中大o既方向係點了...唉


[引用] | 作者 blue | 19th May 2007 | [舉報垃圾留言]

[14]

有冇睇麥嘜、麥兜呢。
有一個故事係狼來了新版。
有個小朋友玩火警鐘,
城裏救火隊衝上山,
而最肥最慢的隊員麥兜永遠都係最遲上到山,
大家上到山就發現被個小朋友玩,
小朋友就當然覺得開心好玩。
如是者一次又一次,
每次救火隊衝上山,
都係被人玩,
每次麥兜都係最遲一個。
直到一次,
小朋友敲響火警鐘,
好耐都無人上山,
等左好耐,
一隻又肥又大o既豬,
喘晒氣咁上到山,
小朋友就問,
點解個個都唔上山,
你明知被人玩,
你仲上山做咩呀...
麥兜就話啦,
如果真係發生火警,
都起碼多我一個人幫手救火,
總好過無人去幫手救火。
小朋友深受感動,
以後再無玩火警鐘。

故事完了。
唔同人有唔同的領會。
最後引用校長一句︰
算吧啦,唔算都要算啦。


[引用] | 作者 米Sir | 19th May 2007 | [舉報垃圾留言]

[13]

中大上次森美事件,中大已經第一時間畫清界線... 怕死到咸!

香港係一個完全商業的社會!她完全容不下新思維、創新... 完全唔敢想又唔敢做...

一做踩界的事情就被千父所指!
記住... 界一向都是用嚟踩嘅!

若想做創作... 大家請 Target 外國... 千祈唔好 Target 呢個保守、落後嘅香港....


[引用] | 作者 mike7 | 19th May 2007 | [舉報垃圾留言]

[12]

呢方面我真係無乜火...
講真...修養方面...做政客的沒有幾個是有的(不論那一派)
所以我從來對所有政客說的話也是"哦"就算...

中大校方...我覺得不奇丫...
這說明為什麼會出了這亂子...


[引用] | 作者 EC | 18th May 2007 | [舉報垃圾留言]

[11]

睇佐你個blog好耐
第一次留言...希望唔好見笑

我自己係一個嶺南既大學生
全因為見到你最低個句..
激起我留言的衝動
對中大呢件事
真係覺得校方好有問題...
唔支援,唔教導,係都要挖個洞出黎埋死d學生...
我好多中大朋友仔都對學校好失望

我好自豪我地嶺南有陳坤耀做校長,好自豪有一班好愛錫我地學生既教授同導師,更加自豪既係我地既博雅精神
雖然我地係成績上唔係最傑出既學生,但係我眼中嶺南係最有親情既學校,係最好既學校!

而家只希望中大學生報呢件事可以盡早完結,編輯們熬得都好辛苦啦...


[引用] | 作者 dt | 18th May 2007 | [舉報垃圾留言]

[10] Re:
:
你是中大政政的嗎??

Cherrie: 其實我係...


[引用] | 作者 早安 | 18th May 2007 | [舉報垃圾留言]

[9]

所以我一直不認為日本人要道歉.

佢都係學中國這大国吧.


[引用] | 作者 uncle ray | 18th May 2007 | [舉報垃圾留言]

[8]

另外,馬力果度,你用左我篇文個名,link左去HW篇文,嘻嘻。


[引用] | 作者 HS | 18th May 2007 | [舉報垃圾留言]

[7]

有人建議星期日,下午五點,返烽火台唱會歌。

http://www.xanga.com/bencrox


[引用] | 作者 HS | 18th May 2007 | [舉報垃圾留言]

[6]

講得好呢!乜野都定調,不如教數學都問吓政府1+1係咪等於2喇!

馬主席講野涼薄,又唔合邏緝,一D大將之風都冇,真係唔瞓都送佢一篇呢!


[引用] | 作者 Todd | 18th May 2007 | [舉報垃圾留言]

[5]

馬力好明顯想擦中央鞋,他不知道新一代的領導人是多麼的聰,他只會被視中央視為小人,被所有中國人視為白癡!

中大現在正是攪商業而不是教育。所以我在自己的blog中,有一篇文章寫著:「……不要再顧住做市場推廣了,快放回多些時間在教育上……」


[引用] | 作者 stanley | 18th May 2007 | [舉報垃圾留言]

[4]

其實馬力是民主派的臥底。:)


[引用] | 作者 謝天下 | 18th May 2007 | [舉報垃圾留言]

[3]

四、五年前d政政學生比社會學、社工等學生保守得多
我仲記得果時sy同d超~~~~保守o既學生o係泳池邊由革命到政制吹到天花龍鳳,d學生一擰轉頭見到學生會招牌就X學生會d人「搞事」
唔知呢,或者時代唔同左,學生都進步左

與蔡子強有數面之緣,一向冇咩好感
今次居然俾佢感動到~~~
佢應該未坐得好穩,居然敢出聲,勇氣可嘉
(亦可能o係中大俾其他教授X緊~~~)


[引用] | 作者 | 18th May 2007 | [舉報垃圾留言]

[2] Re: 健
:
你是中大政政的嗎??當年我都成日「追」sy等教授d堂可惜果時有學生「搞事」時,都唔係好見政政教授出聲有d失望
怕死的,不能當教育界中大大概有一半教授要收皮

haha~好多人都係sy fans呢~不過佢都好串架...但勁有料同heart呢~

政政學生出聲丫嘛~ 教授支援啦~佢地都好好架喇, 你知啦, 學生不在制度中, 教授在丫嘛, 太激既粗重野, 留番比學生做啦~


[引用] | 作者 Cherrie | 18th May 2007 | [舉報垃圾留言]

[1]

你是中大政政的嗎??
當年我都成日「追」sy等教授d堂
可惜果時有學生「搞事」時,都唔係好見政政教授出聲
有d失望

怕死的,不能當教育界
中大大概有一半教授要收皮


[引用] | 作者 | 18th May 2007 | [舉報垃圾留言]